اَللّهُمَّ الْعَنْ اَوَّلَ ظالِمٍ ظَلَمَ حَقَّ مُحَمَّدٍ وَآلِ مُحَمَّدٍ ، وَآخِرَ تابِعٍ لَهُ عَلى ذلِكَ ، اَللّهُمَّ الْعَنِ الْعِصابَةَ الَّتى جاهَدَتِ الْحُسَيْنَ ، وَشٰايَعَتْ وَبٰايَعَتْ وَتٰابَعَتْ عَلىٰ قَتْلِهِ ، اَللّٰهُمَّ الْعَنْهُمْ جَميعاً
تبلیغات
تبلیغات
  • دیزه دیزیم وار منیم

    ديزه ديزيم وار منيم اي آغالار گلين سيزه سويله ييم بئش كلمه صحبتيم سؤزوم وار منيم يوردون گؤزل ليگين گزيب گؤرموشم بو بؤلگه ده ديزه ديزيم وار ...

    ديزه ديزيم وار منيم

    اي آغالار گلين سيزه سويله ييم بئش كلمه صحبتيم سؤزوم وار منيم
    يوردون گؤزل ليگين گزيب گؤرموشم بو بؤلگه ده ديزه ديزيم وار منيم
    ياخشي ياماني چوخدان تانيرام ائشيدن قولاغيم گؤرن گؤزوم وارمنيم
    آتالاردان ائشيتميشم اؤيودلري گؤزل دير، ده يرلي سؤزوم وار منيم
    دده قورقوت،باياندير سويوندانام بوياقلي خاليم يون پالازيم وار منيم
    سؤز قوشوب ديليم ياتماييب گؤزوم اليم كاغازيم آغزيم وار منيم
    اؤزگه نين سؤزويله يوردو ساتمارام يوردومدا يامانيم ياويزيم وار منيم
    ياغي نين يامان گؤزونه سوخارام قيزيل اوخ ميزراغيم بيزيم وار منيم
    گؤردوزمو استكبارين ايشلرين ايتين ديش لريندن سؤزوم وار منيم
    قونشو حاققي تانري حاققي دئمك دير شيطانين توخوموندان سؤزوم وار منيم
    قاوالايين گئتسين ميندار قودوزو صبريم داشسا قورددان بوزوم وار منيم
    ديشلريوي قيجيتما اوستوموزه قايناق سويوم نفتيم گازيم وار منيم
    چيبان دي اسراييل قابان دي اونا قاييل سؤكوب آتارام ارآسلان سؤزوم وارمنيم
    بابكين بالاسي يام دوغرانسام دا ساتمارام تورپاغيم ، ايرزيم وار منيم
    توركلر بازاريندان بيرسؤز آلميشام آت چاپانيم گئنيش دوزوم وار منيم
    چيخسان قازان داغينا بوزدي قاردي گئچميشدن آويم ، دونقوزوم وار منيم
    دوغوزو اؤتور يئييلمز مينداردي بولاغـــين باشيــندا قــوزوم وار منيم
    دادلي دير آغ سو، آلمالي،يورديئري آجي ال پنجه سيندن اكيزيم وار منيم
    عطريندن دويماق اولماز شيرشيرالي نين چيچكلي ده،گول ،نرگيزيم وارمنيم
    دوغو توركوستاني گزير دلي گؤيلوم قوبولاردا گزير قويون قوزوم وار منيم
    اونلودورقويون سوتوم،كوپه پنيريم قاتيغيم ياغيم عجيب اوزوم وارمنيم
    يازديم اوچ تپه دن ائل بره كاندان بدمليك خانين دان سؤزوم وار منيم
    قوزئي دن گونئيه گزديم دولانديم ائل دنيزده ،ديزه ديزيم وار منيم
    سئويرم تورپاغيمين هر قاريشين گزه جگم گوجلو ديزيم وارمنيم
    قميش آغيلدان يئنيب قيزيل ياييم باباداغيم،دوه گؤزوم وار منيم
    ارنلر اوجاغي،كاهين تپه سي سؤكولوب كه ولرده كوللوك لرده كؤزوم وارمنيم
    قازان خان بابام دان سوروشون دئسين لاپ درينده قيزيل اؤكوزوم وار منيم
    ايسته ميرم آج گؤز خيرسيزبوله بولسه يئرين دلر،آلمازيم وار منيم
    قيزيل گوموشدن چوخ دئديم پوزمايين شيرين ديرصحبتيم سازيم وار منيم
    دوستلار ناشي يام آويمي قاچيرتديم آرخاسيندا آرزيم گؤزوم وارمنيم
    خلج لر آنلادير اسكي تاريخي قارپيز قوزئيي قلچه دوزوم وارمنيم
    آرپا چايين ائشيديب جوشلانيرام ساراي كيمين نر قيزيم وارمنيم
    حيالي دير اوبامين خاتيني ياشماغينا بورونن نرگيزيم وارمنيم
    تكم، قوچوم گليب داغ ياماجيندان قاپيلاردا قالان بوينوزوم وار منيم
    كؤهنه پالان لار سؤكولسه تيكه رم ايگنه ساپيم، چوالدوزوم وارمنيم
    اوروج اؤلدو ده ييرماني داغيلدي دولچادا دنيم،چوال،دوزوم وارمنيم
    يئمه لي دي كندين يوخا اببه يي تنديرداميم،دره بــيــزيم وار مـــنيم
    آچيق ليق دي آغجالاريم باغلاريم سؤيوتلوده دورنا گؤزوم وارمـنيــم
    داشليق دي شووه لريم،قارانليغيم اوشقونومدان صلوات سؤزوم وارمنيم
    قيزيشاندا ايچ شووه رن شربتين تولوق تولوق آيرانيم بوزوم وارمنيم
    بؤيوك چايدان اورمو گؤلونه باخديم اوزاقلاري سئچن گؤزوم وارمنيم
    شورجالاري دوشوننده سيبيرده اؤز تورك ائليم،بادام گؤزوم وار منيم
    يازديم شانلي يوردون ايگيد ائليندن قيليچ قارانــداشــيم كـاغــازيم وارمنيم
    منيم يانيق گؤيلوم داشيب جوشاندا چال اوزانــيم! تــئللي ســازيم وار منيم
    بؤلونوب اون دؤرد بؤلويه اكين چيم هفديرم دنگيم دوز داش تره زيم وارمنيم
    قويولار اژدها اولوب سوروبلار حيف داش بولاغيم ميــرقـــيزيـم وارمنيم
    پيه چاي ،قوروچاي،اولن،دولونگان قره سو،اينجه،كهريزيم وار منيم
    بيگ لر قاني قان ايله يوماييبلار باريش ايستر ديزه ديزيم وار منيم
    صادق معلم اوسانما !قازان گولسه چاي باغچاسي ،ياشيل دوزوم وارمنيم

    ((اثری دلنشین از مجموعه شعرهای شاعر با ذوق شهر دیزج دیز آقای صادق نقی لو متخلص به صادق معلم))

    20140501_165136 20140501_180053 20140501_191406 20140502_103949

    2 دیدگاه